स्थानीय निर्वाचनको प्रक्रिया सुरु : उपप्रधानमन्त्री सिंह

• सुकुम्बासीलाई सस्तो आवास

काठमाडौ, फाल्गुन १९ -

उपप्रधान तथा स्थानीय विकासमन्त्री प्रकाशमान सिंहले स्थानीय निकायको निर्वाचनको लागि सरकारले प्रक्रिया सुरु गरिसकेको जानकारी दिएका छन् । उनले स्थानीय विकास मन्त्रीको हैसियतमा आफूले निर्वाचनको पूर्वाधारको लागि काम गर्न निर्देशन दिइसकेको बताए ।

निर्वाचनको लागि आवश्यक पर्ने ऐन, नियमको तयारीको प्रक्रिया अघि बढीसकेको उनले बताए ।

आज बिहान राजधानीमा आयोजित कार्यक्रममा बोल्दै सिंहले सुकुम्बासी समस्या समाधानका लागि सरकारले सस्तो आवास योजना ल्याउने दाबी गरे ।

एक बर्षभित्र संबिधान जारी गर्नु सरकारको पहिलो प्राथमिकता भएपनि यसबाहेक शान्ति प्रक्रियाका अन्य कामको लागि पनि सरकार लागि पर्ने उनले बताए । शान्ति प्रक्रियालाई निश्कर्षमा लैजान बेपत्तासत्य निरुपण, मेलमिलाप तथा बेपत्ता छानबिन आयोग बनाउने प्रक्रिया अघि बढ्ने उनले बताए ।

कार्यक्रममा बोल्दै उनले नागरिकको दैनिक जीवनलाई सम्बोधन गर्ने गरी सरकारले नीति बनाउन लागेको बताए ।